ਅਜ ਸਾਰਾ ਦਿਨ
ਪੈਂਦਾ ਰਿਹਾ ਮੀਂਹ
ਆਖਦਾ ਰਿਹਾ ਮੈਂਨੂੰ
ਕਿਣ ਮਿਣ ਕਿਣ ਮਿਣ ਦੀ ਆਵਾਜ ਕਦੇ
ਮੋਹਲੇਧਾਰ ਫਿਰ
ਬੋਲ ਕੇ ਉਚੀ
ਗੱਜ ਕੇ
ਆ ਜਾ ਵਿਹੜੇ ਚ
ਨਹਾ ਲੈ ਨਾਲ ਮੇਰੇ
ਲਾਹ ਦੇ ਕੱਪੜੇ ਸਾਰੇ
ਹੋ ਜਾ ਨੰਗਾ
ਵਾਰ ਵਾਰ ਨੀ ਮਿਲਨਾ
ਇਹ ਮੌਕਾ
ਅੱਜ ਸਾਰਾ ਦਿਨ
ਮੀਂਹ ਪੈਂਦਾ ਰਿਹਾ ।।
ਮਾਰਚ ਦੀ ਇੱਕ ਸਵੇਰ
July 11, 2008 at 11:30 am (Punjabi)
Tags: poetry, Punjabi
ਤਾਰ ਤੇ ਲਟਕ ਰਹੇ ਨੇ
ਹੁਣੇ
ਧੋਤੇ
ਕਮੀਜ਼
ਬਾਹਾਂ ਅੱਧੀਆਂ ਦੇ
ਮਹੀਨ ਪਤਲੇ ਹਲਕੇ ਰੰਗਾਂ ਵਾਲੇ
ਕੋਲ ਖੜਾ ਰੁੱਖ
ਖੁਸ਼ ਹੁੰਦਾ ਹੈ
ਸੋਚਦਾ ਹੈ
ਮੇਰੇ ਵਾਂਗੂੰ
ਕਿਸੇ ਹੋਰ ਸ਼ੈਅ ਤੇ ਵੀ
ਆਉਂਦੇ ਨੇ ਨੇ ਪੱਤੇ ਨਵੇਂ
ਹਰ ਛਿਮਾਹੀ ਵਰ੍ਹੇ ||
